ԱՆսահմանափակ կարողություններ. հաշմանդամությունը դատավճիռ չէ
- Տիգրանուհի Աճեմյան
- 3 дек. 2019 г.
- 1 мин. чтения
Դեկտեմբերի 3-ը, որպես Հաշմանդամություն ունեցող անձանց միջազգային օր, ողջ աշխարհում նշվում է 1992 թվականից` համաձայն ՄԱԿ-ի Գլխավոր ասամբլեայի կողմից ընդունած բանաձևի:
Այս օրը ևս մեկ առիթ է հաշմանդամություն ունեցող անձանց հիմնախնդիրների բարձրաձայնման, հաշմանդամների իրավունքների իրազեկման, հավասար իրավունքների պաշտպանության, ինչպես նաև հասարակության մեջ հաշմանդամություն ունեցող անձանց լիակատար ինտեգրմանն ուղղված համապատասխան պայմանների և նոր ծրագրերի ստեղծման համար։
Ինչպես բոլոր երկրներում, այնպես էլ Հայաստանում կան և մեր բոլորի կողքին ապրում են սահմանափակ կարողություններ ունեցող մարդիկ։ Կարող ենք արձանագրել, որ այսօր ժամանակակից հայ հասարակությունն այլևս չի տարանջատում և ներառում է սահմանափակ կարողություններով անձանց սոցիալական տարբեր ոլորտներում։
Իհարկե, դեռևս շատ անելիքներ կան, սակայն այս օրը խորհրդանշական է այն առումով, որ միավորում է բոլորին, ովքեր անտարբեր չեն հասարակության այս խոցելի խմբի նկատմամբ, որը մեր առանձնահատուկ ուշադրության և հոգատար վերաբերմունքի կարիքն ունի:
Комментарии